Тойлоқ туман Олимпия ва паралимпия захиралари коллежида  соғлом турмуш тарзини кенг тадбиқ этиш ва камондан отиш спорт турини янада ривожлантириш мақсадида туман Миллий гвардияси Кўриқлаш бўлими томонидан маҳорат дарси ўтказилди. 
     Туман миллий гвардияси Қўриқлаш бўлими ҳамда спорт коллежининг  малакали тренерлари ёшларнинг  "Камондан отиш" спорт тури бўйича маҳоратларини синовдан ўтказишди ва уларга ўқ отиш сирларини ўргатишди.      
    Мазкур спорт турига қизиқиши бўлган ёш спортчилар рўйхатга олиниб, туманимиздаги 10-умумтаълим мактаби қошида ташкил этилган “Ёш мерганлар” тўгарагига аъзо қилинди.