Шу жиҳатдан олиб қараганда, туман «Қўшчинор» газетаси таҳририяти ижодий ходимлари ўз вазифаларига юқоридаги талаблардан келиб чиққан ҳолда ёндошмоқдалар, дейишимиз учун барча асослар бор. Таҳририятда ўз соҳасини яхши биладиган, газетхон олдидаги масъулиятни чуқур ҳис қиладиган журналистлардан иборат аҳил жамоа фаолият кўрсатмоқда. Абдулла Нисоров, Гўзал Музаффарова, Дилрабо Камолова каби ижодий ходимлар шулар жумласидандир. Ёш суратчи мухбир Азиз Орзимуродов устозлардан маҳорат сирларини қунт билан ўрганмоқда.
Ижодий жамоа коронавирус пандемияси туфайли эълон қилинган карантин даврида ҳам белгиланган хавфсизлик қоидаларига тўлиқ риоя қилган ҳолда газетанинг бир нечта сонини чоп этганлигини таъкидлаш лозим.
Шу ўринда муассис — туман ҳокимлиги томонидан таҳририят ходимларининг самарали ижод қилиши учун етарли шарт-шароитлар яратиб берилаётганлигини алоҳида таъкидлаш керак. 2019 йилда туман ҳокими Б. Бобоназаров ташаббуси ва раҳбарлиги остида таҳририят биносининг тубдан таъмирланиб, кўркам қиёфа касб этганлиги, замонавий жиҳозлар билан таъминланганлиги фикримизнинг яққол далилидир.Бунёдкорлик ишларида туман ҳокимининг ўринбосари Т. Ўожиқулов ҳамда саховатпеша ҳомийлар катта ҳисса қўшдилар. Уларга таҳририят ходимлари номидан миннатдорчилик билдирамиз.
Ўз навбатида биз ҳам газета саҳифаларида чоп этилаётган мақола ва бошқа материалларнинг савиясини юксалтиришга, журналистлармизнинг ошкора ва эркин фикрлаши учун яна ҳам кенгроқ йўл очиб беришга, пировардида газетанинг оммабоплигини оширишга ҳаракат қиламиз. Шу билан бирга газетанинг расмий ВЕБ-сайтини ҳар томонлама такомиллаштиришга эътибор қаратамиз.
Барча ҳамкасбларимизни, таҳририятимизнинг асосий таянчи бўлган жамоатчи мухбирларимизни яна бир бор Матбуот ва оммавий ахборот ходимлари куни билан чин юракдан муборакбод қиламиз.
Мўътабар ЙЎЛДОШЕВА,
«Қўшчинор» газетаси муҳаррири.
«Қўшчинор» газетаси муҳаррири.
комментариев