Президентимизнинг 2020 йил 29 июндаги  "Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида"ги  фармони бу борада муҳим дастуриламал бўлди. 
 Ҳужжатда таъкидланганидек, сўнгги йилларда мамлакатимизда коррупциянинг олдини олиш ва унга қарши курашишга қаратилган кенг кўламли ислоҳотлар изчил амалга оширилмоқда. Давлат органлари зиммасидаги вазифа ва функцияларни бажаришда юзага келадиган коррупцияга оид хавф-хатарларни баҳолаш тизимини такомиллаштириш ҳамда давлат хизматига ҳалоллик стандартларини жорий этиш бўйича ишлар 
қилинмоқда. 
     Бироқ даврнинг ўзи  коррупцияга қарши курашиш самарадорлигини тубдан ошириш бўйича таъсирчан тизим яратишни тақозо этмоқда Шу мақсадда Президентимизнинг юқорида таъкидланган фармонида тегишли мутасадди ташкилотларга  кўрсатмалар ва аниқ вазифалар белгилаб берилган. Жумладан, коррупциянинг олдини олиш ва унга қарши курашиш соҳасида давлат сиёсатини шакллантириш ва амалга ошириш, давлат органлари, оммавий ахборот воситалари, фуқаролик жамияти институтлари ва бошқа нодавлат сектор вакилларининг биргаликдаги самарали фаолиятини таъминлаш мақсадида  мамлакатимизда Коррупцияга қарши курашиш агентлиги  ташкил этилиши белгилаб қўйилган. Мазкур агентлик Ўзбекистон Республикаси Президентига бўйсунади ва Ўзбекистон Республикаси Олий Мажлиси палаталари олдида ҳисобдордир; дейилган фармонда.Агентликнинг яна кўпгина вазифалари аниқ кўрсатилган. Масалан, Агентлик қаратилган комплекс дастурларни ишлаб чиқиш ва амалга ошириш, коррупциянинг олдини олиш ва унга қарши курашиш масалаларига оид ахборотларни тарқатиш ҳамда коррупцияга қарши курашиш бўйича ўқитишни ташкил этиш орқали жамиятда коррупциянинг барча кўринишларига муросасиз муносабатни шакллантиради.
Шу билан бирга  Агентликка  бир қатор  ҳуқуқлар ҳам берилган. Жисмоний ва юридик шахсларнинг коррупция масалалари бўйича мурожаатларини кўриб чиқиш ҳамда уларнинг бузилган ҳуқуқларини тиклаш ва қонуний манфаатларини ҳимоя қилиш бўйича чоралар кўриш;
коррупцияга оид жиноятлар содир этилишининг сабаб ва шарт-шароитларини аниқлаш, тизимли коррупциянинг ривожланиш тенденцияларини таҳлил қилиш мақсадида қонунчилик, шу жумладан, жиноят-процессуал қонунчилигига мувофиқ жиноят ишлари материалларини ўрганиш, шулар жумласидандир; Ўзбекистон Республикаси Бош прокуратураси, Давлат хавфсизлик хизмати, Ички ишлар вазирлиги, Миллий гвардияси Агентлик зиммасига юклатилган вазифаларни амалга оширишда унга ҳар томонлама кўмаклашади.  Хулоса қилиб айтганда Президентимизнинг "Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида"ги  фармони жамият ривожида жиддий тўсиқ бўлаётган иллатнинг илдизига болта уришда  муҳим дастуриламал бўлди.