Фуқаролик ишлари бўйича Тайлоқ туманараро судининг суд буйруғига асосан қарздор Ш.Х.дан ундирувчи С.М.нинг фойдасига уч нафар фарзандининг таъминоти учун қарздорнинг ҳар ойлик иш ҳақи ва бошқа даромадларининг иккидан бир қисми миқдорида алимент ундириш тўғрисидаги ижро ҳужжати Тойлоқ туман бўлим иш юритувига келиб тушган ва ижро иши юритиш қўзғатилган. Олиб борилган тарғибот ва тушунтириш ишлари натижасида, ёш оила яраштирилди. Бугунги кунда, бу ёш оила фарзандларини бирга тарбиялайдиган бўлди. Шунингдек, мазкур ижро иши ярашувдан кейин Ўзбекистон Республикасининг "Суд ҳужжатлари ва бошқа органлар ҳужжатларини ижро этиш тўғрисида"ги Қонунининг 40-моддаси 1-қисми билан тугатилди. Мажбурий ижро бюроси Тойлоқ туман бўлими.
комментариев