Тойлоқ туман Давлат солиқ инспекцияси биносида бўлиб ўтган сайёр судда, Ўзбекистон Республикаси МЖтКнинг 175-моддаси 1-қисмида ва 164-моддаси 1-қисмида назарда тутилган ҳуқуқбузарликни биринчи марта содир этган ва ҳуқуқбузарлик аниқланган пайтдан эътиборан ўттиз кунлик муддатда йўл қўйилган қонун бузилишларни ихтиёрий равишда бартараф қилган тадбиркорлик сеъбектларига нисбатан бўлган ишлар МЖтКнинг 271-моддаси 11-бандига асосан юритишдан тугатилиб, улар жавобгарликдан озод илинди.
Шунингдек, тадбиркорлик фаолияти билан шуғулланувчи фуқаролар билан очиқ мулоқат ўтказилиб, тадбиркорлар учун яратиб берилаётган имкониятлар ва шарт-шароитлар юзасидан гапирилиб, савдо ёки хизмат кўрсатиш қоидалари, солиқ солинадиган объектларнинг ҳисобини олиб бориш, касса операцияларини юритиш тартиби, тўлов интизомлари тўғрисида тушунтиришлар берилди.
Тадбир сўнгида, суд раиси М.Эргашев томонидан бугунги кунда суд-ҳуқуқ соҳасида амалга оширилаётган ўзгаришлар, қабул қилинаётган қонунлар юзасидан гапирилиб, хусусан 2021 йилнинг 30 март куни қабул қилинган “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Ўзбекистон Республикасининг 679-сонли Қонуннинг мазмун-моҳиятини атрофлича тушунтирилди.