Тадбиркорликни бошлаб, фаолият юритишни мақсад қилган шахс аввало солиқ идорасига мурожаат қилади. Давлат рўйхатидан ўтиш шакли, бухгалтерия ҳисоботларини юритиш тартиби солиқ сиёсатидаги енгиллик ва имтиёзлар ҳақида маълумот олишни истайди. “Солиқ идораси тадбиркорларга кўмакчи” тамойилининг жорий этилгани тадбиркорлар учун бу борада айни муддао бўлди. Президентимиз ташаббуси билан бу йил йўлга қўйилган янгича ишлаш тизими қисқа фурсатда ўз самарасини бермоқда. Жумладан, туманимизда янги рўйхатдан ўтган 320 та тадбиркорлик субъектига солиқ ва бухгалтерия ҳисоботларини юритишда амалий кўмак берилди. Ҳужжатлаштириш билан боғлиқ турли маъмурий жавобгарликлар овворагарчиликлар шу ернинг ўзида барҳам топди. Кредит олишда қийналаётган 1 та корхонанинг мушкули ҳам енгиллаштирилди. Банкдан кредит олишга эришилди. Янгидан ташкил этилган “NTM ZAKOVAT ILM ZIYOSI” корхонаси солиқ тўлаш тартиби билан батафсил таништирилди. Корхонанинг солиқ ҳисоботи шу вақтнинг ўзида тақдим этилди. Яширин иқтисодиёт улушини қисқартириш учун тизимда махсус дастур ҳамда “йўл харитаси” ишлаб чиқилган. Шу орқали норасмий ишлаётган ходимлар фаолиятини легаллаштириш чораси ҳам кўриляпти. “Ёшларни қўллаб-қуватлаш ва ахоли саломатлигини мустаҳкамлаш йили” давлат дастурига асосан шу йилнинг “Солиқчи-кўмакчи” тамойили асосида фермер хўжаликларининг даромад ва харажатларини автоматик шакллантириб солиқ органларига юбориш имконини берувчи элетрон тизим жорий этилади. Кўрилаётган бу каби чора-тадбирлар аҳоли даромадларини ошиши учун ҳисса қўшади.