Toyloq Olimpiya va paralimpiya sport turlariga tayyorlash markazida “Insonga eʼtibor va sifatli taʼlim yili” shiori  ostida Sambo kurashi boʻyicha  2011-2012 yillarda tugʻilgan oʻsmirlar oʻrtasida ochiq birinchilik  boʻlib oʻtdi. Nomdor yosh kurashchilar qatnashgan bellashuvda tumanimizning kuragi yerga tegmas polvoni, qozixonalik  Sirojiddin Ikromov barcha raqiblarini katta ustunlik bilan yengib, oltin medalni qoʻlga kiritdi.