Январ ойидан бошлаб иш ҳақи, пенсия ва нафақалар ўз вақтида тўланиб, инфляция даражасидан кам бўлмаган миқдорда оширилади. Бу ҳақда қуйи палата матбуот хизмати хабар берди.

Хабарда келтирилишича, юқоридаги қарор Олий Мажлис Қонунчилик палатасининг "2025 йил учун Ўзбекистон Республикасининг Давлат бюджети тўғрисида"ги қонун лойиҳасида бир ўқишда кўриб чиқилмоқда.

Шунингдек, лойиҳада давлатнинг фуқаролар олдидаги барча ижтимоий мажбуриятларини бажариш учун етарли миқдорда, жумладан, камбағалликни қисқартириш учун 20 трлн. сўм пул маблағлари ажратилганлиги айтиб ўтилган.

Инфляция даражаси 7 фоиз бўлиши кутилмоқда.