Samarqandimga kelsam, bir muhtasham ustozlarim ziyoratini niyat qilar edim. Bu gal nasib etdi. Otaxon gazetamiz — tumanimiz yoshidan ham yoshi ulug', yoshidan ham nomi baland "Qo'shchinor" muharrirlari bilan yana diydorlashdik. Mo'tabar Yo'ldosheva — xalqona, kitobiy hikmatlar bilag'oni, Abdulla Nisoriydek aruziy she'rlar muallifi va yana gazetaga ko'pdan ko'p mehnati singgan xodimlari yozganlarimizni zebu ziynatli qilib gazeta sahifalaridan joy egallashiga behad hissa qo'shadilar. 


Bugun matbuot sohasining moddiyati bir qadar yupqalashib qolgan davrda ham gazetaning har bir soni, har bir sahifasini sermazmun, serjilo bo'lishini fidokorona zahmatlari bilan ta'min etib turibdilar desam xato bo'lmas. 


Ma'rifatli, ziyoli fermer — ketmondastadan qalam yo'nib, kitob yozgan, yozganlari el og'zida doston bo'lmish  To'xtatosh Hoji onamiz va Taylog'imizning serfayz kutubxonasi xodimalari Saida opalar bilan chaqmoqdek yorug' suhbatimizdan g'uborlarimiz tarqab-tarqab yangi rejalar bilan xo'shlashdik. Tashakkurlar deyman shu zamin ziyokorlariga.  Qolganini shu surat so'zlasin.🥰


Ps. Huzurlariga shoshgan ustozi karimalarim hali ko'p, u fursatlar ham kelib qoladi.