Бугун туман ҳокимлигида Ўзбекистон Республикаси Конституцияси қабул қилинганининг 28 йиллиги муносабати билан  байрам тадбири бўлиб ўтди.

    Ўзбекистон Республикаси Давлат мадҳияси билан бошланган байрам тадбирини туман ҳокими Б. Бобоназаров очиб берди.
 Туман раҳбари йиғилганларни байрам билан қутлар экан, ўтган давр мобайнида халқимиз сиёсий-ҳуқуқий тафаккури, ақл-заковатининг кўзгуси бўлмиш Конституциямизнинг ҳаётий негизи нақадар мустаҳкам эканлигига, у халқаро талабларга ҳар томонлама мос келишини таъкидлади.
   Маданият бўлими ходимларининг мусиқий дастурлари барчага байрамона кайфият улашди.

   Байрам сўнгида туманни ижтимоий-иқтисодий ривожлантиришда ўз ҳиссасини қўшган бир гуруҳ фаоллар туман ҳокимининг ташаккурномаси ҳамда эсдалик совғалари билан тақдирланди.
Шунингдек,  жаҳон миқёсида кенг тарқалиб, глобал муаммога айланган коронавирус пандемияси даврида мардлик ва жасорат намунасини кўрсатган маҳаллалар раисларига “Меҳр-саховат” кўкрак нишони топширилди.