Қаҳратоннинг заҳри кетиб, табиат уйғонаётган шу пайтда  маҳаллаларда ҳам иш қизғин. Маҳалла  ободлигига ҳисса қўшишни ўзи учун саодат деб билган киши борки, иш қуролларини олиб ҳашарга ошиққан.
   Ана шундай хайрли тадбирлардан бири Найман маҳалласида ўтказилмоқда. Туманимизни ижтимоий-иқтисодий ривожлантириш, биринчи навбатда, қишлоқ жойларида аҳоли учун муносиб ҳаёт шароитларини яратиш, уларнинг муаммоларини ўрганиш ва ҳал этиш мақсадида амалга оширилаётган мазкур ободонлаштириш тадбирида туман ҳокимининг ўринбосарлари, секторлар раҳбарлари, корхона ва ташкилотлар раҳбар ва ходимлари, ободонлаштириш бошқармаси ишчи-ходимлари билан бир қаторда маҳалла аҳолиси ҳам фаол иштирок этмоқда.