Гўзал айём – Наврўз арафасида спорт йўналишида мамлакатимизнинг энг яхши таълим масканларидан бири бўлмиш Тойлоқ Олимпия захиралари коллежида унутилмас шодиёна – таълим масканининг 3,3 млрд, сўмлик маблағ эвазига реконструкция қилинган асосий ўқув биноси очилишига бағишланган тантанали тадбир бўлиб ўтди.
Коллеж ўқитувчилари, мураббийлар, ўқувчилар, фахрий спортчилар ҳамда кенг жамоатчилик вакиллари, шунингдек туман ҳокимлиги секторлар раҳбарлари, ҳоким ўринбосарлари ва бошқалар  иштирок этган тадбирда туман ҳокими Б.Бобоназаров,вилоят жисмоний тарбия ва спорт бошқармаси бошлиғи Ш.Рўзиев, самбо бўйича кўп карра жаҳон ва қитъа чемпиони Ш.Жўраевлар сўзга чиқиб, бундай ғамхўрлик учун  Юртбошимизга миннатдорлик билдирдилар. Шундан сўнг мовий лента қирқилиб, янги бино очилишидан дарак берди. Меҳмонлар ўқув биносида яратилган қулайликларга юқори баҳо бердилар.