Тойлоқ туман 9-умумтаълим мактабида “Аҳолини рўйхатга олиш” тарғибот тадбири ўтказилди.
Ўзбекистон Республикаси  Вазирлар Маҳкамасининг 2020 йил 11 ноябрдаги “2023 йилда  аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сонли Қарори ижросини таъминлаш мақсадида жорий йилнинг 12 апрель куни Тойлоқ туман статистика бўлими томонидан Тойлоқ тумани 9-умумтаълим мактаби ўқувчи-ёшлари ҳамда 4 нафар педагог ходимлари билан учрашув ўтказилди.
Учрашув бошланишида аҳолини рўйхатга олиш мавзусида тайёрланган видео-ролик иштирокчиларга намойиш этилди. 
Учрашув давомида аҳолини рўйхатга олишнинг мазмун-моҳияти, аҳамияти ва уни ўтказиш нима учун зарурлиги тўғрисида тўхталиб, республикамизда 2023 йилда аҳолини рўйхатга олишни ўтказиш белгиланганлиги, ҳозирги кунда ушбу тадбирга пухта тайёргарлик кўриш юзасидан амалга оширилаётган ишлар ҳолати ва келгусидаги устувор вазифалар тўғрисида туман статистика бўлими бош мутахассиси А. Нормуратов иштирокчиларга батафсил тушунтиришлар берди.
Шундан сўнг А. Нормуратов тадбир иштирокчиларига  аҳолини рўйҳатга олиш дунё миқёсида дунёдаги ҳар бир мамлакат ўзининг аҳолиси ва унинг яшаш ҳолати бўйича ишончли маълумотга эга бўлиши мақсадида мунтазам равишда аҳолисини рўйхатга олиши, бу жараён кўплаб мамлакатларда ҳар 5 ёки 10 йилда бир марта амалга оширилиши. БМТ ўзининг 2015 йилдаги резолюциясига асосан  аъзо мамлакатлари камида 10 йилда бир марта аҳолини рўйхатга олишга қатъий тавсия этиши. Ўзбекистон ҳудудида дастлаб аҳолини рўйхатга олиш 1897 йилда  ўтказилган бўлиб, сўнгги бор бу тадбир 1989 йилда амалга оширилганлиги, Республикамизда аҳолини рўйхатга олиш 30 йил давомида ўтказилмаганлиги сабабли одамларнинг ҳаёт тарзини батафсил ўрганиш ва уларга амалий ёрдам кўрсатишда қатор қийинчиликлар вужудга келганлиги, шунинг натижасида аҳолини рўйхатга олиш ҳозирги кунда олдимизда турган муҳим масалалардан бири эканлигини таъкидлаб ўтди.
Таъкидландики, 2023 йил 1-5 ноябрь кунлари - интернет жаҳон ахборот тармоғи орқали (5кун), 6-10 ноябрь кунлари - интернет жаҳон ахборот тармоғи орқали рўйхатдан ўтган  респондентлар ва уларнинг уй манзиллари рўйхатини шакллантириш (5 кун), 11-22 ноябрь кунлари –ҳар бир ҳисоб участкасидаги уй-жой манзилларининг 10 фоизини танланма равишда назорат кузатуви асосида ўрганиш (3-кун) тартибида аҳолини рўйхатга олиш амалга оширилади. Мазкур тадбирда аҳолининг фаол иштирок этиши муҳимлиги айтиб ўтилди. 
Шунингдек, рўйхатга олиш даврида ўз хонадонига киритишни истамаганлар ўз ҳудудида ташкил этиладиган инструкторлик участкаларида фаолият юритувчи стационар рўйхатга олувчиларга мурожаат қилган ҳолда рўйхатдан ўтишлари мумкинлиги таъкидлаб ўтилди. 
Учрашув сўнгида иштирокчиларни қизиқтирган саволларга туман статистика бўлими бош мутахассиси томонидан батафсил жавоблар берилди.