Bir necha yillardan buyon Toyloq tumani Adas mahalla fuqarolar yig‘inida yetti yot begona oila vakillari bilan yashab kelayotgan 60 yoshli Halima Saibnazarova  bugun opa-singillari bilan Toyloq tuman hokimligida uchrashishdi. 
     Respublika ma’naviyat va ma’rifat markazi tuman bo‘linmasi rahbari Ziyodulla Avazov hamda Toyloq tumani "Inson" ijtimoiy xizmatlar markazi direktori Djamol Djurayevlarning sa’y harakatlari natijasida H. Saibnazarovaning qarindoshlari Sirdaryo viloyati Havos tumanida yashashlari aniqlandi va ularga bu haqda xabar berildi.
    -Oilada 6 nafar qiz, 1 nafar o‘g‘il farzand edik, - 1989 yilda singlim Halima uydan chiqib ketib, qaytib kelmadi. Biz uni yillar davomida izladik. Ollohga shukr, bugun Toyloq tuman hokimligi vakillari ko‘magida singlimizni topdik, -deydi Jamila Saibnazarova.
     Tuman hokimligi vakillari Halima opa va qarindoshlarini tug‘ilib o‘sgan ona yurtiga kuzatib qo‘yishdi.