Qunduzaklik saxovatdil tadbirkor Erkin aka Ibragimov o‘zi o‘qigan 17-maktabga yuz nomdagi badiiy kitoblar jamlanmasini tuhfa qildi.
O‘zbekiston XDP partiyasi Toyloq tuman kengashi tashabbusi bilan maktab ma’muriyati tomonidan tashkil etilgan «Kitobdan yaxshi do‘st bo‘lmas» deb nomlangan ma’naviy-ma’rifiy tadbirda qatnashgan Erkin aka tuhfani maktab kutubxonasiga va faol yosh kitoblarga topshirar ekan, ularni ustoz saboqlarini puxta o‘zlashtirishga, ko‘zlangan ezgu maqsad sari dadil intilishga da’vat etdi. Tadbirda so‘zga chiqqanlar: maktab direktori Z.Yo‘ldosheva, O‘zbekiston XDP tuman kengashi raisi Q.Nizomov, shoir va jurnalist A.Nisoriy va boshqalar ham o‘quvchilarni bilimning bebaho xazinasi bo‘lmish kitob bilan do‘st-oshno bo‘lishga chaqirdilar. O‘z navbatida o‘quvchi-yoshlar homiyga, tadbir tashkilotchilari va mehmonlarga samimiy tilaklarni izhor qildilar.
Sanobar NISOROVA,
maktab ona tili va adabiyot o‘qituvchisi.
комментариев