Аввал хабар берганимиздек, туман ҳокими Б. Бобоназаров жорий йилнинг 14 апрель куни Ўзбекистон Республикаси Президенти Шавкат Мирзиёев раислигида ўтказилган видеоселектор йиғилишида  берилган топшириқлар ижросини таъминлаш мақсадида фермер хўжаликлари раислари билан дала бошида учрашиб, қишлоқ хўжалиги соҳасида бу йил амалга оширилиши керак бўлган режалар ҳақида суҳбатлашган эди. Ана шундай учрашувнинг навбатдагиси 2-сектор ҳудудида бўлиб ўтди. 
    Учрашувда туман ҳокими мева-сабзавотчилик ва чорвачилик тармоқларида маҳсулот етиштириш ҳажмини икки баробарга ошириш, боғ ва токзорларда қатор оралари, такрорий майдонларнинг ҳар бир қаричидан самарали фойдаланиб, 2-3 марта ҳосил олишни йўлга қўйиш зарурлигини, шу боисдан янги тизим асосида бор имконият ва кучимизни ишга солиб, бу синовдан ёруғ юз билан чиқишимиз кераклигини таъкидлади.
   Учрашув сўнгида  агрофирма раҳбарлари ҳамда фермер хўжаликлари раисларига зарурий топшириқ ва кўрсатмалар берди.