Мактабда бир кун

  Жорий йилнинг 30 сентябрь куни Президентимиз Шавкат Мирзиёевнинг “Ўқитувчи ва мураббийлар куни”га бағишланган тантанали маросимдаги нутқида келажак авлод таълим-тарбиясига алоҳида эътибор қаратиб, мактаб муаммосига биринчи даражали масала деб қарашимиз лозимлиги, мактаб – фақатгина таълим берадиган маскан эмас, барчамиз учун юксак маънавият бешигига, фарзандларимизни болаликдан бошлаб касбга ўргатувчи даргоҳга айланиши зарурлигини, шу сабабли ҳар бир вилоят, туман ва шаҳар ҳокими ҳафтада бир кунни албатта, мактабга бағишлаши кераклиги таъкидлаган эди.
   Юртбошимизнинг ушбу топшириғи ижросини таъминлаш мақсадида Тойлоқ туман ҳокими ҳафтанинг бир кунини мактаблар ва ўқувчиларга бағишламоқда.
   Ана шундай учрашувлардан бири бугун туманимиздаги 48, 49 ва 50 мактабларда бўлиб ўтди. Туман раҳбари ҳар учала умумтаълим мактабининг куз-қиш мавсумга тайёргарлик ҳолатини ўрганди. Шундан сўнг, мактаб фаолиятида кузатилаётган камчилик ва муаммолар билан қизиқди. Педагоглар билан бирма-бир суҳбатлашди. Уларнинг дарду-ташвишларини тинглади. Шунингдек, ўқитувчиларга тараққиётнинг тамал тоши ҳам, мамлакатни қудратли, миллатни буюк қиладиган куч ҳам бу – илм-фан, таълим ва тарбия эканлигини, шу сабабли ҳар бир педагог ўз устида ишлаши, келажак авлод таълим-тарбиясига жиддий ва масъулият билан ёндашиши, мактабнинг рейтингини оширишга ўз ҳиссасини қўшиши лозимлигини, Ватан тақдирини ёшлар тарбияси ҳал қилишини таъкидлади.
   Туман ҳокими Б. Бобоназаров юқори синф ўқувчилари билан  дарсларда иштирок этиб, бевосита ўқитувчиларнинг таълим-тарбия бериш жараёнини кузатди.
   Шундан сўнг, 50-умумтаълим мактабида “Ҳоким ва ёшлар” учрашуви ташкил этилди. Унда туман раҳбари ўқитувчиларнинг иштирокисиз ўқувчилар билан самимий мулоқотда бўлди. Уларнинг муаммолари ва орзу-мақсадлари билан қизиқди. Учрашув давомида йигит-қизларни қизиқтирган саволларига туман ҳокими  батафсил жавоб берди. 


Туман ҳокимлиги ахборот хизмати. 

комментариев