«Арча унсимон» қурти зараркунанданинг личинка ва урғочилари арчанинг новдалари ва баргларини сўриб зарар етказади. Унинг личинка ваурғочилари барча ер устки қисмлари билан озиқланади. Айниқса, барглар кучли даражада зарарланади.Қуртнинг катталиги 2-3 мм бўлиб ранги сарғиш, қизғиш, кул ранг тусда бўлади. Етук самец (эркак) зотлари март ойи охирида, самка  (урғочи зот)лари апрель  бошларида чиқиши кузатилган. Уларнинг тухум қўйиши май ойи давомида ва июнь бошларигача давом этиб ўртача 280 тагача тухум қўяди.
Бу зараркунандага қарши курашишларида қуйидаги тадбирларни амалгаошириш зарур.
Қуртни ички карантин аҳамиятга молик зараркунанда сифатида рўйхатга олиш, зараркунанда тарқалган жойлар ва ҳудудлар аниқланиши ҳамда бу жойлардан арча кўчатларини бошқа жойларга юборилишини қатъиян таъқиқлаш шарт.
Зараркунандага қарши курашда унинг тухумдан личинка очиб чиқиш даврида кимёвий препаратларни қўллаш юқори самара беришини инобатга олиб кимёвий ишловларни шу даврларда бошлаш керак.Зарарланиб, қуриш ҳолатига келиб қолган дарахтларни кесиб, қурт кенг тарқалмаслиги учун уларни шу жойнингўзида  ёқиб йўқотиш шарт. Агротехник тадбирларни ўз вақтида ва тўлиқ бажариш (фосфорли, азотли, микроэлементлар Мастер, Кропшелд, Вегрутлар билан озиқлантириш). Кимёвий препаратлардан (Би-58 (янги) 40% эм.к, Багира 20% эм.к ва Атилла 5% эм.к.) фойдаланиш тавсия қилинади. Ушбу препаратлар билан зараркунанда пайдо бўлгач, биринчи ишлов ўтказилади ва у буткул йўқолгунча ҳар ўн беш кунда ишлов берилиши шарт
Туманда фитосанитария назорати кучайтирилиб, қишлоқ хўжалиги экинларини арчанинг новдалари ва баргларини сўриб зарар етказадиган «Арча унсимон» қуртидан самарали ҳимоя қилиш ва манзарали дарахтларни  сақлаб  қолиш чоралари кўрилмоқда. Иш жараёнида соҳанинг малакали мутахассислари томонидан «Арча унсимон» қуртларига қарши курашиш учун барча чоралар кўрилиб, тавсиялар бериб борилмоқда.