Vazirlar Mahkamasining 2011­-yil 8-iyuldagi “Qarovsiz qolgan hayvonlarni tutish va saqlash bilan bog‘liq xizmatlar faoliyatini takomillashtirish chora-tadbirlari to‘g‘risida”gi 202-sonli qarori hamda O‘zbekiston Respublikasi Fuqaro muhofazasi boshlig‘ining 2022-yil  11­-yanvardagi “O‘zbekiston Respublikasi aholisi va hududlarini favqulodda vaziyatlardan muhofaza qilish, fuqaro muhofazasi va yong‘in xavfsizligini ta’minlash bo‘yicha 2021 yilda bajarilgan tadbirlar yakuni va 2022-yildagi vazifalar to‘g‘risida”gi 1-sonli buyrug‘i hamda Toyloq tumani hokimi, fuqaro muhofazasi boshlig‘ining 2022-yil 31-yanvardagi shu mazmundagi 01-22/02-sonli buyrug‘i ijrosini ta'minlash maqsadida Toyloq tumani hududida odamlar va hayvonlar o‘rtasida o‘ta havfli yuqumli quturish kasalligini oldini olish, uning havf manbai va omillarini bartaraf etish ishlarining samaradorligini oshirish maqsadida “Odamlar va hayvonlar o‘rtasida quturish kasalligi tarqalishining oldini olishda FVDQT xizmatlarining hamkorlikdagi harakatlari” mavzusida ko‘rgazmali maxsus-taktik o‘quv mashqlari o‘tkazildi.
O‘tkazilgan o‘quv mashg’uloti saf ko’rigi nazariy va amaliy  qismlarda tashkil etildi. Tumanning 83 nafar FVDQT xizmatlari xodimlari hamda 12 ta texnikalari saf ko’rigini o’tkazish uchun to’plandi.
Tadbirni tuman boshlig’i, mayor A.Ochilovning kirish so’zi bilan ochilib, Samarqand viloyati FVB mas’ul xodimi kapitan Sh.Qayimovning Quturish kasalligini oldini olish va uni o’choqlarini bartaraf etishda FVDQT xizmatlarining vazifalari va harakatlari to’g’risidagi so’zi tinglanib, so’ngra ma’ruzachilar Toyloq tuman SEO va JS bo’limi epidemilogi Sh.Ochilova, tuman Veterinariya bo’limi epizotologi R.Xaydarov, tuman Obodonlashtirish boshqarmasi qarovsiz qolgan hayvonlarni tutish bo’limi boshlig’ining ma'ruzalari tinglandi. Amaliy qismda TTBga qarashli Baxshitepa OSHP xodimlari guruhli jarohatlanganlarga birinchi tibbiy tez yordam berish tartibi, qarovsiz hayvonlarni tutish maxsus bo’limi qarovsiz itlarni tutish va yo’qotish usullari hamda Bekkari chuquridan foydalanish tartibi, 
tuman Veternariya bo’limi xodimlari kasallikga gumon qilingan it jasadi aniqlangan hududlarda o’tkaziladigan tadbirlar va qoidalar ko’rgazmali mashg’ulot orqali ko’rsatib o’tildi.
Toyloq tumani hududida odamlar va hayvonlar o‘rtasida quturish kasalligini tarqalishini oldini olish bo‘yicha o‘tkazilgan ko‘rgazmali maxsus taktik mashg‘ulotida tuman FVDQT xizmatlarining shaxsiy tarkibi soni 83 nafar kishi va 12 ta texnika hamda Toyloq tuman TTBga qarashli Baxshitepa OSHP ning 10 ta ishchi xodimlari qatnashdi.