Bugun Toyloq tumani hududidagi “Bog‘izog‘on” agrofirmasiga qarashli “Do‘rmon Oltin Dalalari” fermer xo‘jaligida suv tejovchi texnologiyalar va quyosh panellarini o‘rnatish bo‘yicha amaliy seminar tashkil etildi.

Seminarda qishloq xo‘jaligi mutaxassislari, fermerlar, tuman hokimligi vakillari hamda sohaga aloqador tashkilotlar ishtirok etdilar. Tadbir davomida zamonaviy sug‘orish usullari – tomchilatib va yomg‘irgarchilik usullarining afzalliklari, suv resurslarini tejash va hosildorlikni oshirishdagi o‘rni yuzasidan keng qamrovli ma’lumotlar berildi.

Shuningdek, fermer xo‘jaligi hududida o‘rnatilgan quyosh panellari orqali elektr energiyasini muqobil manbalardan olish, bu esa energiya sarfini kamaytirish va ekologik xavfsizlikni ta’minlashdagi ijobiy natijalar haqida taqdimotlar o‘tkazildi.

Bizni ijtimoiy tarmoqlarda kuzating:👇
🌐Website |📲 Telegram | 💻Facebook |🖥 Instagram | 📹 Youtube