“Maktabimiz faxri“

40-umumtaʼlim maktabida yoshlarni vatanparvarlik ruhida tarbiyalash maqsadida oʻtkazilayotgan “Vatanparvarlik oyligi” doirasida “Maktabimiz faxri“ shiori ostida taʼlim muassasamizning sobiq bitiruvchisi, 02855-sonli harbiy qism komandiri, podpolkovnik Firdavs Umarov va harbiy qism xizmatchilari bilan uchrashuv boʻlib oʻtdi. 
Unda harbiylar tomonidan turli xil sahna koʻrinishlari va harbiy jang sanʼati namoyish etildi. 
— O'quvchilarimiz uchun yuksak manaviy tarbiya vazifasini oʻtaydigan bunday tadbirlar yoshlarning harbiy sohaga boʻlgan qiziqishning ortishiga sabab boʻladi, — deydi maktab direktori Jahongir Saʼdullayev. 
Bunday olovqalb yoshlar oʻz ortidan yuzlab insonlarni ergashtirib, Ona Yurt tinchligi, ertasi uchun sadoqat bilan xizmat qiladigan chin insonlar sifatida eʼtirof etiladi. Ular nafaqat maktabimizning, balki jamiyatimizning ham eng ishongan kuchlaridir. 

B. SOLIYEV, 
maktab direktorining maʼnaviy-
maʼrifiy ishlar boʻyicha oʻrinbosari.

комментариев