Тумандаги  6-умумтаълим мактабда Ўзбекистон халқ шоири Муҳаммад Юсуф таваллудининг 67 йиллигига бағишлаб “Сўнмас шеърият” мавзусида маънавий- маърифий тадбир бўлиб ўтди. 
  Адабий кечани мактаб директори Ю. Даминов очиб берди. У шоир ҳаёти ва ўзбек адабиётига қўшган катта ҳиссаси,  ёшларни она-Ватанга садоқат руҳида тарбиялашдаги ўрни ҳақида тўхталди.               
                 
Тадбир доирасида ижодкор  ўқувчилар ўртасида тўрт шарт бўйича  билимдонлар беллашуви ташкил этилди. Биринчи ўрин  3-б синф ўқувчиларига насиб этган бўлса, шу синф ўқувчиси, ёш шоир Жавоҳир Тоҳиров  Муҳаммад Юсуф издоши  деган номга сазовор бўлди.   Ғолиблар мактаб маъмурияти томонидан фахрий ёрлиқ ва эсдалик совғалари билан тақдирланди.