«Нурли йўл» МФЙда Вазирлар Маҳкамасининг «Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида»ги қарорининг жойлардаги ижросига бағишланган пресс-тур бўлиб ўтди.
Тадбирда Самарқанд вилояти статистика бошқармаси бошлиғи ўринбосари А. Суюнов, бошқарманинг  «Рўйхатга олиш жараёнларини ташкил этиш ва ўтказиш» бўлими ходимлари, Тойлоқ тумани маҳалла ва оилани қўллаб қувватлаш,  статистика  ҳамда кадастр бўлимлари ходимлари, «Нурли йўл» МФЙ фаоллари, ОАВ вакиллари иштирок этишди.
Тадбир давомида схематик режа ва хариталарни тайёрлаш, аҳолини рўйхатга олиш бўйича ташкил этилган ҳужжатларни юритилиш ҳолати ҳамда қарорининг жойларда ижроси қай тариқада таъминланаётганлиги ўрганилди. Бундан ташқари тадбир иштирокчиларига аҳолини рўйхатга олиш бўйича қабул қилинган меъёрий ҳужжатлар, қонун ва қарорлар ҳамда уларнинг ижросини бориши юзасидан тушунчалар берилди.   
Таъкидлаш лозимки, аҳолини рўйхатга олиш маълум бир даврда Ўзбекистон аҳолисининг сони, ёши, жинси, диний ва этник таркиби, оилавий аҳволи, маълумот даражаси, уй-жой билан таъминланганлиги, иқтисодий фаоллиги, даромад олиш манбалари, ногиронлиги хусусида батафсил маълумот олишга ёрдам беради. Шунингдек, аҳоли жон бошига макроиқтисодий кўрсаткичларнинг тақсимланишини ҳисоблашда ишлатилади, миграция ҳолатини, меҳнат ресурслари тақсимотини аниқ кўрсатиб беради.
Таъкидлаш жоизки, “Нурли йўл”  маҳалласида айни пайтда  5 796 нафақар истиқомат қилмоқда. Маҳаллада 1024 та оила, саккизта асосий кўча атрофида жойлашган бўлиб, бугунги кунга қадар уйларнинг асосий қисми номланиб, рақамланган.