» » «АМИР ТЕМУР ВОРИСЛАРИ» – ВИЛОЯТ БОСҚИЧИДА!

«АМИР ТЕМУР ВОРИСЛАРИ» – ВИЛОЯТ БОСҚИЧИДА!

Чегара қўшинларининг туманимиздаги ҳарбий қисми Ёшлар ишлари агентлиги туман бўлими, Ёшлар иттифоқи туман Кенгаши, халқ таълими бўлими ва бошқа ташкилотлар ҳамкорлигида “Ёш чегарачилар” мусобақаси ўтказилди. 
   “Ёш чегарачилар”ҳарбий­ ватанпарварлик мусобақасининг бу йилги туман беллашувлари   61-умумий ўрта таълим мактабида  ўтказилиб, унда чегараолди ҳудудида жойлашган бешта таълим масканларининг чақириққача таълим ёшидаги ўқувчиларидан сараланган жамоалар қатнашди. Ёшларни Ватанга садоқат руҳида тарбиялаш,улар қалбида ҳарбий-ватанпарварлик туйғуларини шакллантириш, Ватанимиз хавфсизлигини таъминлаш учун масъулиятни кучайтириш каби мақсадларни кўзда тутган уч босқичли  мазкур беллашувнинг илк босқичида иштирокчилар АКМ автоматларини йиғиш, уларни қисмларга ажратиш ва бошқа  кўпгина шартлар бўйича беллашдилар.
Мусобақа натижаларига кўра 50-мактабнинг "Амир Темур ворислари" жамоаси энг кўп балл жамғариб фахрли биринчи ўринни ҳамда мусобақанинг вилоят босқичига йўлланмани қўлга киритди.         
        38-мактабнинг "Темурбеклар 2" ва 61-мактабнинг "Темурбеклар 1" жамоалари кейинги совринли  ўринларни банд этишди.                 
Ғолиб ва совриндорлар, шунингдек, фаол қатнашган жамоалар дипломлар  ва Давлат ва  жамоат хизмати ходимлари касаба уюшмаси туман кенгашининг эсдалик совғалари билан тақдирланди.
                                   С. ОТАҚУЛОВ,
                        ҳарбий хизматчи, капитан.

комментариев