45-maktabda O‘zbekiston xalq shoiri Muhammad Yusuf tavalludining 70 yilligi munosabati bilan tadbir bo'lib o'tdi. 
Unda shoirning turmush o‘rtog‘i Nazira as-Salom va xalqimizning sevimli adibi Tog‘ay Murodning rafiqasi Mahsuma Ahmedova, samarqandlik shoir O'lmasbek Samarqandiy, Respublika ma'naviyat va ma'rifat markazi tuman bo'linmasi rahbari Z. Avazov, Ayollar targ'ibot guruhi rahbari M. Yo'ldosheva, tuman maktabgacha va maktab ta'limi bo'limi boshlig'i O'. Usmonov, jurnalistlar,  havaskor ijodkorlar hamda bir guruh o'qituvchi-pedagoglar ishtirok etdi.
  Tadbir davomida maktabning musiqa fani to‘garagi a’zolari Muhammad Yusuf she’rlaridan qo‘shiqlar ijro etishdi. Tuman madaniyat bo'limi xodimlari tomonidan musiqiy dastur taqdim etildi.
   Shuningdek, tadbir so‘ngida yoshlar o‘rtasida kitobxonlikni keng targ‘ib qilishga qaratilgan sahna ko‘rinishlari namoyish etildi.