😎ЎзЛиДеП нинг “Намунали томорқачи аёл-фаровонлик бунёдкори!” лойиҳаси доирасида, ЎзЛиДеП депутатлари, фаоллари, тажрибали аёллар билан ҳамкорликда маҳорат дарсларини ташкиллаштириш, “бир маҳалла бир маҳсулот” тамойили асосида маҳаллаларни аниқ бир экин турига ихтисослаштириш, тажрибали фермер ва тадбиркорлар томонидан ихчам иссиқхоналарни қуриб беришга кўмаклашиш мақсадида тажрибали томорқачи аёллар билан маҳорат дарслари, семинар-тренинглар ўтказилиб келинмоқда. Худди шундай тадбирлардан бири Тойлоқ туман Хўжақишлоқ маҳалласида ташкил этилди. 
😎 Хўжақишлоқ маҳалласининг ҳар бир ҳовлисида барака тимсоли — сабзавотлар, мевалар, гуллар гуллаб-яшнамоқда. Ҳар бир кўкат, ҳар бир мева ортида эса фидокор инсонларнинг машаққатли меҳнати бор. Ана шундай меҳнаткаш партия фаоли Тозагул опа Тоғаева. 
♻️ Тозагул опа оддий томорқачи эмас. У ерга меҳр қўйган, сабр ва матонат билан ҳар бир қарич тупроқдан ризқ яратган аёл. Ҳар тонгда, ҳали қуёш кўтарилмасдан, у томорқасига шошилади. Бир қарашда оддий кўринган бу меҳнат ортида катта фидойилик ва тиришқоқлик ётади. 
 — "Ер — она кабидир. Қанча эътибор берсанг, шунча меҳр қайтаради," — дейди Тозагул опа кўнгли тўлқинланиб. 
 Дарҳақиқат, унинг ҳовлиси бугун кичик бир боғни эслатади: бир четда яшнаб турган саримсоқпиёз-у картошкалар, бошқа томонда шаффоф бодринглар ҳосил учун шайланиб турибди. 
😎 Тозагул опа замонавий томорқачлик сирларини ҳам яхши ўзлаштирган. Ҳовлисида кичик иссиқхона барпо этган, томчилатиб суғориш усулидан фойдаланган. Ўз меҳнатининг натижасида у нафақат оиласини, балки яқин-атрофдаги қўни-қўшниларини ҳам сифатли сабзавотлар билан таъминлайди. 
 😎Маҳалладошлар унинг фидойилигидан илҳом олади. Яқинда Тозагул опа ёш келинларга томорқа ишлари сир-асрорлари ҳақида маҳорат дарси ҳам ўтказди. 
 — "Бугун ерга меҳр берсак, эртага болаларимиз оч қолмайди," — дейди у ишонч билан. 
 😎Томорқачи аёлларнинг меҳнати қишлоқ иқтисодиёти, маҳаллий озиқ-овқат таъминоти учун катта аҳамиятга эга. Шу боис, Тозагул опанинг ҳар бир ҳаракати, ҳар бир ҳосили — жамият тараққиёти йўлидаги кичик, аммо қадрли ҳисса ҳисобланади. 
Бугун биз Тозагул Тоғаева каби аёллар туфайли дастурхонларимиз тўкин, бозорларимиз серҳосил ва ҳаётимиз бардавомдир.
😎Самимий суҳбат асосида ташкил этилган маҳорат дарси якунида Тозагул Тоғаевага ЎзЛиДеПнинг эсталик совғалари топширилди. 
 
🗣Азизжон Орзимуродов, ЎзЛиДеП Тойлоқ туман Кенгаши раисининг биринчи ўринбосари – аппарат раҳбари                                                                                                               🚀@uzlidep_samarqand