Bugun Toyloq tumanida "Bog‘ichinor mahalla servis" kompaniyasi mas’uliyati cheklangan jamiyati foydalanishga topshirildi. Qiymati 350 million so‘mlik ushbu loyiha Bog‘ichinor mahallasida tashkil etadi.
      Ochilish marosimida tuman hokimi o‘rinbosari J.Haqberdiyev, mahallalar uyushmasi tuman bo‘limi boshlig‘i Sh.Qorayev hamda mahalla faollari va jamoatchilik vakillari ishtirok etdi.
       Tadbirkor A. Axrorov tashabbusi bilan tashkil qilingan kompaniyada aholiga 20 dan ortiq xizmat turlari ko‘rsatiladi. Jumladan, duradgorlik, pardozlash ishlari, obodonlashtirish, hovlilarga ishlov berish hamda boshqa turdagi texnik va maishiy xizmatlar yo‘lga qo‘yiladi.
       Ma’lumot uchun, mazkur loyiha “Mahallalarni obodonlashtirish, ko‘kalamzorlashtirish va qiyofasini tubdan yaxshilashga doir qo‘shimcha chora-tadbirlar to‘g‘risida” Prezident qaroriga muvofiq tashkil etildi.

Bizni ijtimoiy tarmoqlarda kuzating:👇
🌐Website |📲 Telegram | 💻Facebook |🖥 Instagram | 📹 Youtube