Ayni damda Toyloq tumanidagi Axborot kutubxona markazida 11-fevral – “Ilm-fan sohasidagi ayollar va qizlar xalqaro kuni”ga bag‘ishlangan haftalik doirasida ta’lim tizimida faoliyat olib borayotgan 35 yoshgacha bo‘lgan xotin-qizlar o‘rtasida “Eng faol kitobxon” ko‘rik-tanlovi bo‘lib o‘tmoqda.
     Unda Respublika Ma’naviyat va ma’rifat markazi tuman bo‘linmasi rahbari Z.Avazov, “Qo‘shchinor” gazetasi muharriri M.Yo‘ldosheva, ma’naviyat targ‘ibotchilari hamda tanlov ishtirokchilari qatnashmoqda.
     Tadbirda so‘zga chiqqan Z.Avazov ilmli, mutolaaga oshno xotin-qizlarning jamiyat taraqqiyotidagi o‘rni, yosh avlodni ma’rifatli etib tarbiyalashdagi mas’uliyati haqida alohida ta’kidladi.
    Tanlov davomida ishtirokchilar o‘qigan kitoblari, ularning mazmun-mohiyati hamda kitobxonlik madaniyatini targ‘ib etish borasidagi tashabbuslari bilan o‘zaro bellashmoqda.

🔰Bizni ijtimoiy tarmoqlarda kuzating:
TELEGRAM | FACEBOOK | INSTAGRAM |