O‘zLiDeP Samarqand viloyat Kengashi  “Ayollar qanoti” va viloyat Oqila ayollar harakati bilan hamkorlikda O‘zLiDeP Samarqand viloyat Kengashi majlislar zalida xalq deputatlari viloiloyat tuman va shahar Kengashlaridagi O‘zLiDeP deputatlik guruhlaridagi deputat ayollar partiya faollari, Samarqand shahar xotin – qizlar faollari, OAV vkaillari ishtirokida O‘zbekiston Respublikasi Konstitutsiyasi qabul qilinganligining 32 yilligiga bag‘ishlab “Konstitutsiya va xotin-qizlar huquqlari” mavzusida amaliy seminar bo‘lib o‘tdi.
Tadbirda O‘zLiDeP viloyat Kengashi raisi, viloyat Kengashi deputati Ilhom Botirov so‘zga chiqib tadbirni ochib berdi va yig‘ilganlarni bosh qomusimizning 32 yilligi bilan samimiy tabrikladi. 
Shuningdek, seminarda O‘zLiDeP viloyat Kengashi risi o‘rinbosari, viloyat Oqila ayollar harakati rahbari Jamila Sayfiddinova, viloyat Kengashi deputatlari  Mutabar Yuldashova, Ziyoda Ishmuratovalar so‘zga chiqib yangi Konstitutsiyamiz normalari, inson qadr-qimmati, sha’ni va g‘ururi barcha sohalarda birinchi o‘rinda turishi, xotin-qizlarning huquq va erkinliklari, manfaatlari himoyasiga qaratilgan normalar ham mustahkamlab qo‘yilgani va yurtimizda xotin-qizlarga qaratilayotgan e’tibor va g‘amxo‘rlikdan, yaratilayotgan keng imkoniyatlar haqida fikr mulohazalarini bildirishdi.
Ayniqsa, Konstitutsiyaning 42-moddasida homiladorligi yoki bolasi borligi sababli ayollarni ishga qabul qilishni rad etish, ishdan bo‘shatish va ularning ish haqini kamaytirish taqiqlanishi mustahkamlab qo‘yilganligi,  ba’zi soha va tashkilotlarda homilador yoki yosh bolali ayollarni ishga qabul qilinishdagi cheklovlar va  bu kabi holatlarga Konstitutsiya darajasida chek qo‘yilishi ayollarning mehnatga oid huquqlarini himoya qilishga, ular uchun zarur mehnat sharoitlari  bosh qomusimizda belgilanib qo‘yilganligi e’tirof etildi.
Ma’lumotlarga ko‘ra, bugungi kunda fan, ta’lim, sog‘liqni saqlash, xizmat ko‘rsatish sohalarida mashg‘ul bo‘lgan xodimlarning 70 foizini xotin-qizlar tashkil etar ekan. Endi yuqoridagi konstitusion norma bilan barcha sohalarda faoliyat olib boradigan xotin-qizlar ulushi yanada ortadi. 
Yangi Konstitutsiyamizda xotin-qizlar huquq va manfaatlari borasida mustahkamlab qo‘yilgan yangi normalar ushbu yo‘nalishdagi sa’y-harakatlar ko‘lamini yanada kengaytiradi, yurtimiz ayollariga, faol va tashabbuskor qizlariga keng imkoniyatlar yaratadi. Bir so‘z bilan aytganda, yangi Konstitutsiya xotin-qizlarning asosiy himoyachisiga aylandi.
O‘zLiDeP viloyat Kengashi Matbuot xizmati