Соғлиқни сақлаш вазирлиги ташаббуси билан юқоридаги ном остидаги саломатлик акцияси доирасида туманимиздаги маҳаллалар кесимида ўтказилаётган ижтимоий лойиҳада асосий эътибор аҳолининг саломатлик ва касалланиш кўрсаткичларидан келиб чиқиб, ҳолатини ўрганиш, темир дафтарга киритилган,  замонавий тиббий ёрдамга муҳтож беморларга зарур мутахассислар жалб этилган ҳолда амалий ёрдам кўрсатилмоқда.
Таҳлиллар натижаларига кура қараб мураккаб жарроҳлик амалиётлари вилоят ёки пойтахтдаги энг нуфузли муассасаларда бепул амалга оширилиши ҳам режалаштирилган. 
    Пойтахтдан келган бир нечта йўналишларда фаолият кўрсатаётган етук мутахассислар «Маҳаллабай» кесимда уйма-уй юриб, беморларни чуқурлаштирилган тиббий кўрикдан ўтказишяпти. Бугунгача 33 та маҳалладаги 778 та хонадонда  бўлиб, кўмакка муҳтож 887 нафар беморни аниқлашди.Улардан 503 нафарига амбулатор шароитда даволанишга, 234 нафарига касалхонага, 141 нафарига вилоят даволаш профилактика муассасасига, 9 нафарига Тошкентдаги тиббий муассасаларга ётиб даволаниш учун тавсиялар берилди. Шу кунгача 4 та жарроҳлик амалиёти ўтказилди. 
Бу  каби тадбирлар аҳолига ихтисослашган тиббий хизматни янада яқинлаштириш ҳамда юртимизда аҳоли саломатлигини мустаҳкамлаш борасида олиб борилаётган ислоҳотлар инсон ва унинг манфаатлари учун хизмат қилаётганлигидан далолатдир.