Азизжон Садриддинов туманимиздаги 5-мактабнинг 7-синфида ўқийди. Болалигидан спортнинг яккакураш, таэквондо турига меҳр қўйган эпчил ўғлон устозларидан унинг сир-асрорларини ўрганди. Бу эса бўлажак мусобақаларда қўл келмоқда. Яқинда у Самарқанд вилоят таэквондо федерациясининг очиқ биринчилигида муваффақиятли қатнашиб, фахрли 1-ўринни эгаллади ва олтин медални қўлга киритди. Азизжоннинг олий мақсади – келгусида Олимпиада мусобақаларида қатнашиб, чемпионликни қўлга киритишдан иборат.  Шижоатли ёш спортчи ана шу эзгу ният сари дадил интилмоқда.