Xalq deputatlari Samarqand viloyati Kengashiga O‘zLiDePdan 53-Bog‘izog‘on saylov okrugidan saylangan deputat Mo‘tabar Yo‘ldosheva,  13-Xo‘jaqishloq saylov okrugiga Toyloq tuman Kengashiga saylangan deputat Nasiba Mo‘minova shu hududga qarashli Xo‘jaqishloq va Yastepa mahallasidagi 60-sonli maktab, Jumabozor OSHP  va Yastepa MFYdagi 35- sonli MTM da bo‘lib, muassasalar faoliyati, aholi, bolalarga yaratilgan sharoitlarni o‘rgandi. 
Dastlab deputatlar Xo‘jaqishloq mahallasi yettiligi ish faoliyati bilan tanishib, fuqarolarni, tadbirkorlarni qabul qilishdi. Fuqarolar Obid Obloqulov, Ma’ruf Shonazarovlar Xo‘jaqishloq, Saribozor, Jumabozor, Jalolobod mahallarida elektr energiya quvvati kamligi, 100 dan ortiq transformatorlar mavjudligi qayd etishdi, tadbirkorlar va fuqarolar aynan shu hududga alohida elektr liniyasi tortib kelish masalasini qo‘yishdi va bu masalada deputatlardan amaliy yordam so‘rashdi.  Shuningdek mahalla hududida yengil turdagi konstruksiyalar asosida mahalla yoshlari va nuroniylari uchun mahalla kutubxonasini tashkil etish bo‘yicha takliflar bo‘ldi. Ushbu masalalar deputatlar tomonidan qayta mukammal o‘rganilib, mutasaddi tashkilotlarga deputatlik so‘rovlari chiqarilib, nazoratga olinadigan bo‘ldi.
O‘zLiDeP tomonidan “Bir deputat 100 ayolga ko‘makchi” loyihasi doirasida deputatlar mazkur mahallada o‘quv markazida o‘qitilib, chevarlik va kasanachilik hunarlarini o‘rganayotgan xotin-qizlar bilan suhbatlashdi.  Suhbat davomida Bozorova Munojat deputatdan yordam so‘rab subsidiya ajratish bo‘yicha amaliy yordam so‘radi. Deputat mazkur mahalladagi hokim yordamchisi bilan hamkorlikda murojatchiga o‘z xonadoniga kasanachilik bilan shug‘ullanishida amaliy yordam ko‘rsatishga va tikuvchilik bilan shug‘ullanib, oilasiga qo‘shimcha daromad kiritish imkoniga ega bo‘lishga sharoit yaratib beriladigan bo‘ldi. 
Shuningdek deputatlar Jumabozor OSHP da bo‘lib, fuqarolarga xizmat ko‘rsatish darajasi va binoning qish mavsumiga isitish tizimi o‘rganildi. Mazkur OSHP 22443 nafar aholiga laboratoriya, muolaja, doya, sterilizatsiya, stomatologiya va emlash ishlarida oilaviy shifokor, katta hamshira, patronajlar aholiga xizmat ko‘rsatib kelmoqda.
Oliy toifali shifokor F. Esanovaning ta’kidlashicha aholi tomonidan kasalliklarini samarali davolashda tuman tibbiyot birlashmasi va viloyat tibbiyot markazlari o‘rtasidagi hamkorlik aloqalari yaxshi natijalar bermoqda. Bugun barcha turdagi kasallik bilan shifoxonaga kelgan bemorlar tajribali shifokorlar uni zudlik bilan tahlil qilib, tegishli tavsiyalarni bermoqda. Oqibatda og‘ir ahvoldagi bemorlarga o‘z vaqtida tez, sifatli tibbiy yordam ko‘rsatilib, kasallik bilan bog‘liq o‘lim holatlari kamaytirilishiga erishilmoqda. 
Deputatlar shu kunning o‘zida Xo‘jaqishloq MFYdagi 60-umumta’lim maktabi  va Yastepa MFYdagi 35-sonli MTM larni isitish tizimi holatlari o‘rganildi. Maktab va bog‘chada o‘quvchilar, tarbiyalanuvchilar uchun  kattaroq qamrovdagi zamonaviy oshxona kerakligi qayd etildi va deputatdan amaliy yordam so‘raldi. 
Uchrashuvlar davomida mahalla yettiligi  bilan hamkorlikda fuqarolarning sayyor qabulini tashkil etish, aholi tomonidan ko‘tarilgan muammolarni mahalliy ijro hokimiyati, mutassadi tashkilotlar bilan birgalikda joyida hal etish choralarini ko‘rish bo‘yicha ustuvor vazifalar belgilab olindi.
  O‘zLiDeP viloyat Kengashi Matbuot xizmati