Korrupsiya – mamlakat taraqqiyoti va jamiyat farovonligiga tahdid soluvchi jiddiy muammolardan biri. Shu bois, O‘zbekiston Respublikasi Prezidenti Shavkat Mirziyoyev rahbarligida ushbu illatga qarshi keskin kurashish va korrupsiyadan holi muhit yaratish ustuvor vazifa sifatida belgilangan.Kuni kecha davlat rahbari boshchiligida o‘tkazilgan Korrupsiyaga qarshi kurashish milliy kengashi yig‘ilishida bu yo‘nalishda amalga oshirilgan ishlar tahlil qilinib, kelgusi vazifalar belgilab olindi. Prezidentimiz ta’kidlaganidek, bugun korrupsiyaga qarshi kurashish nafaqat davlat organlarining vazifasi, balki barcha jamoatchilik vakillari, tadbirkorlar va fuqarolarning mas’uliyatiga aylanishi lozim.
Xususan, Tadbirkorlarning korrupsiyaga uchrash ehtimolini kamaytirish uchun "bir darcha" tamoyilini yanada takomillashtirish va davlat xizmatlarini ko‘rsatishda raqamlashtirish va shaffoflikni oshirish orqali inson omili ta’sirini kamaytirish.
Shuningdek, jamoatchilik nazoratini kuchaytirish va tadbirkor va ishbilarmonlar uchun teng sharoitlar yaratish, hech qanday ma’muriy to‘siq va tamagirlikka yo‘l qo‘ymaslik muhim.
Korrupsiyaga qarshi kurashish – bu bir kunlik jarayon emas, balki uzluksiz islohotlar va qat’iy siyosiy iroda talab etadigan jarayon. O‘zLiDeP safida deputat sifatida biz ham shaffof va adolatli biznes muhitini yaratish, xususiy sektor va tadbirkorlarni korrupsiya ta’siridan himoya qilish hamda davlat idoralarida ochiqlik va hisobdorlikni ta’minlash masalalarida faol ishtirok etishni davom ettiramiz.
Deputatlar tadbirkorlar, fuqarolar va jamoatchilik bilan birgalikda harakat qilsak, korrupsiyaga qarshi samarali kurasha olamiz va adolatli jamiyat barpo qilamiz!

Mo‘tabar Yuldosheva
Xalq deputatlari
viloyat Kengashi deputati