Коррупцияга қарши курашиш бўйича кенгайтирилган йиғилишда белгилаб олинган устувор вазифалар, албатта, мамлакатдаги шаффофлик ва ҳисобдорликни оширишга қаратилган муҳим қадамдир. Ҳудудий кенгашлар таркибини янгилаш ва уларга вилоят халқ депутатлари кенгаши раисларини тайинлаш орқали, жамоатчилик назоратини кучайтириш, шунингдек, коррупциянинг олдини олишда самарали механизмлар яратишга интилиш кўзда тутилмоқда.   Бу ташаббуслар давлат ташкилотларининг фаолиятини янада очиқ ва шаффоф қилишга хизмат қилади. Жамоатчилик назоратининг кучайиши эса фуқароларнинг давлат бошқарувида иштирок этишини оширади ва коррупцияга қарши курашишда аҳоли ўртасида хабардорликни таъминлайди. Шу билан бирга, бу чора-тадбирлар давлат органларининг ишини сифат жиҳатидан яхшилашга ёрдам беришига ишонаман.
  Умуман олганда, Президентимиз Шавкат Мирзиёевнинг бу борадаги ташаббуслари мамлакатда ижтимоий барқарорликни сақлаш ва иқтисодий ривожланишни таъминлашда муҳим роль ўйнайди. Коррупция, ҳақиқатан ҳам, мамлакатларнинг ривожланишига жиддий зарар етказувчи омил сифатида тан олинади.
Шунингдек, коррупциянинг олдини олиш ва унга қарши курашишда ҳукуматнинг роли жуда муҳимдир.
   Қолаверса, коррупцияга қарши курашда халқаро ҳамкорлик ҳам зарурдир, чунки бу муаммо кўплаб мамлакатларни қамраб олади. Бундай масалалар бўйича халқаро ташкилотлар билан ҳамкорлик қилиш орқали давлатлар тажриба алмашиши ва самарали чоралар кўриши мумкин.
   Умуман олганда, барчамиздан бирдек коррупцияни камайтириш учун кўп қиррали ёндашув ва ҳар томонлама стратегия талаб этилади, десам адашмаган бўламан.

Нилуфар Акрамова,
Халқ депутатлари Тайлоқ туман Кенгаши депутати,
Ўзбекистон “Адолат” СДП Тойлоқ туман Кенгаши раиси.