Insoniyat boshiga behisob kulfatlar mash’um Ikkinchi jahon urushi yakunlanganiga 80 yil to‘ldi.  Eng so‘nggi  ma’lumotlarga ko‘ra o‘sha olovli yillarda  mamlakatimizdan 1 million 951 ming kishi urushga safarbar etilgan bo‘lib, ulardan 538 ming nafari halok bo‘lgan. Mana shu raqamlarning o‘zi, ya’ni, yarim milliondan ko‘proq mard va jasur o‘g‘lonlarimizga ona  yurtga qaytish nasib etmagailigi  ulkan fojia emasmi?!  Urush qurbonlari  orasida minglab tumandoshlarimiz ham borki, ularning xotirasi qalblarimizdan aslo o‘chmaydi. Janglardan sog‘-omon yoki jarohat bilan qaytgan yurtdoshlarimiz  mehnat frontida ham shijoat namunalarini ko‘rsatib, yoshlarga  har jihatdan ibrat namunalarini ko‘rsatdilar. Bunga  ko‘plab misollar keltirish mumkin. Bugungi kunda O‘zbekistonda 82 nafar Ikkinchi jahon urushi qatnashchilari va ularga tenglashtirilgan faxriylar  istiqomat  qiladi. O‘zbekiston Respublikasi Prezidentiningjoriy yil 19 fevraldagi  «Ikkinchi jahon urushida qozonilgan g‘alabaning 80 yilligi hamda Xotira va qadrlash kuniga tayyorgarlik ko‘rish va munosib nishonlash to‘g‘risida»gi qarori asosida ular munosib rag‘batlantirildi. Jumladan, ularga Prezidentimiz farmoni bilan tahsis etilgan “Ikkinchi jahon urushidagi g‘alabaning 80 yilligi” esdalik yubiley medali hamda pul mukofotlari topshirildi. ta’sis etilgandi. Bu yurtimizda Vatan va xalq baxti uchun kurashganlar qadrlaninishinig yorqin timsolidir.                                                               Muhtaram toyloqliklar!