“Турон” мактаб театри" ҳамда “Иқтидор мактаб ансамбли" танловларининг бу йилги республика босқичи Самарқандда ўтказиляпти.

Тадбирнинг очилиш маросими Регистон майдонида ташкил этилди.
Тадбирда Мактаб ва мактабгача таълим вазири ўринбосари Фарҳод Боқиев, вилоят ҳокими ўринбосари Ҳусан Тўхтаев иштирок этиб, танлов қатнашчиларини қутлади.

Ҳар иккала танловда унинг қуйи босқичларида ғолибликни қўлга киритган, Тошкент шаҳри, Қорақалпоғистон Республикаси ва вилоятлардан келган 28 жамоанинг 300 нафар аъзоси иштирок этмоқда.
Тойлоқ туманидаги 57-мактабнинг ’’Баркамол авлод" жамоаси танловда вилоятимиз шаънини ҳимоя қилади.

- Жамоамизда 11 нафар ўқувчи бор, - дейди уларнинг устози, ўқитувчи Зарина Пармонова. - Танловга Усмон Азимнинг ’’Кундузсиз кечалар" асари асосида саҳналаштирилган спектаклни тайёрлаб келганмиз.

Тадбир сўнгида Регистон майдонида "3 шоу" намойиш этилди.

Танлов 3 кун давом этади.

Тўлқин Сиддиқов,
Бахтиёр Мустанов.

✅@Zarnews_uz