Туманимизнинг 592 та фермер хўжалигида ташкил этилган 2466 та пиллачилик звеноларида 2019 йилнинг  илк қишлоқ хўжалик маҳсулоти йиғим-теримига киришилди. “Насим — Ширин — Гулобод” фермер хўжалигининг Халил Исомаддинов бошлиқ пиллачилик звеноси аъзолари туманда биринчилардан бўлиб теришни бошладилар.
—Ипак қуртининг ҳар қутисидан 55 ўрнига 65 килограмм “кумуш тола” етиштиришни кўзлаб меҳнат қилдик, дейди звено аъзоси Феруза Пардаева. — Шукрки, мўл  ва сифатли ҳосил етиштиришга  муваффақ бўлдик.