Президентимиз Шавкат Мирзиёевнинг 2019 йил 29 августда қабул қилинган “Ўзбекистон Республикаси мустақиллигининг йигирма саккиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида”ги Фармонига кўра, давлатимизнинг юксак унвон, орден ва медаллари билан бир гуруҳ юртдошларимиз тақдирланишди. Улар орасида туманимиздаги «Сиёб Шавкат Орзу» фермер хўжалиги бошлиғи Марупов Бахтиёр Махмудович «Меҳнат шуҳрати» ордени билан мукофотланди.