Жорий йилнинг 9-10 март кунлари спортнинг KickBoxing тури бўйича Самарқанд вилоят очиқ чемпионати бўлиб ўтди. Мазкур чемпионатда туманимиздан 15 нафар спортчи иштирок этиб, 11 нафари биринчи, 4 нафари эса иккинчи ўринларни эгаллаб ғолибликни қўлга киритишди. «Иштирокчиларимизнинг ҳаммаси ғолиблик шоҳсупасига чиққанида қувончим ичимга сиғмади, аммо ҳали олдинда республика чемпионати турибди. Бунинг учун тинимсиз машқ қилиб, яна юқори ўринларни эгаллашга ҳаракат қилишимиз зарур»,- дейди спорт мураббийси Руслан Боймуродов. Биз эса ёш спортчиларимизга омадлар тилаб қоламиз.