Бугун O'zLiDeP Тойлоқ туман кенгаши томонидан “Ишбилармон аёл – 2021” кўрик танловининг туманбосқичи ўтказилди.
Аёллар ўртасида тадбиркорликни ривожлантириш, рағбатлантириш, қўшимча иш ўринлари яратиш ҳамда аёлларнинг жамиятдаги фаоллигини янада ошириш мақсадида ўтказилаётган мазкур танловда ҳунарманд ва ишбилармон хотин-қизлар ўз кўргазмалари билан иштирок этишди.
“Ҳунармандлар маркази”да ўтказилгантақдирлаш маросимида иштирок этган туманкенгаши депутатиМўътабар Йўлдошева инновацион лойиҳаларни ҳаётга татбиқ этишдаги фаоллиги, замонавий ишлаб чиқаришни йўлга қўйиш орқали янги иш ўринлари яратгани,харидоргир маҳсулот ишлаб чиқараётгани, энг асосийси, ишсиз қолган хотин-қизларнинг иш билан таъминлашда фаоллик кўрсатаётгани учун тадбиркор аёлларга миннатдорчилик билдирди.
Тадбирда қўли гул ҳунарманд аёл Наврўза Ҳасанова инновацион лойиҳаларни ҳаётга татбиқ этиб, ишчи ўринларини яратган тадбиркор сифатида эътироф этилди ва ғолиблик соврини топширилди. Шунингдек, Гулноза Исломова ҳамда Нодира Ҳақбердиевалар 2-ўринни, Самара Мирсолиева 3-ўрин соҳиби деб топилди. Кўрик-танлов ғолиб ва совриндорлари диплом, қолаверса, барча иштирокчиларга O'zLiDeP туман кенгашининг ташаккурномаси ва эсдалик совғалари топширилди.
Туман ҳокимлиги ахборот хизмати.
комментариев