Миллат ва халқнинг маънавий камолотини ўзида кўрсатувчи белги жамиятнинг хотин-қизларга бўлган муносабатида яққол кўзга ташланади. Мамалкатимизда хотин-қизларга берилаётган эътибор, имконият ва рағбат ўз навбатида, биз хотин-қизларга икки карра масъулият юклайди.

Куни кеча Президентимиз Шавкат Мирзиёев томонидан “Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида”ги қарор қабул қилиниши хотин-қизларнинг жамият ҳаётидаги ижтимоий-сиёсий фаоллигини ошириш, уларни давлат ва жамият бошқарувидаги ўрнини кучайтириш, бандлигини таъминлаш, тадбиркорлик фаолиятига кенг жалб этиш, оила асосларини янада мустаҳкамлаш, оналик ва болаликни муҳофаза қилиш борасида амалга оширилаётган ислоҳатларни янада кенг қулоч ёйишига, хотин-қизларни бугуни, эртаси, келажагига ишонч билан дадил боқишига хизмат қилади.

Жумладан, хотин-қизларга 100 млн сўмгача гаровсиз кредит бериш, 50 млн сўмгача грант ажратиш, ҳомиладорлик ва туғиш таътилини олган аёлларнинг кредит  тўлов муддатини 10 ойгача узайтириб бериш, жорий йилнинг ўзидаёқ ишсиз хотин-қизлардан 2 млн нафарини бандилиги таъминлашга эришиш, 250 минг нафар хотин-қизларни касб-ҳунар ва тадбиркорликка ўқитиш, 250 минг нафар хотин-қизларни олий таълим билан қамраб олиш, 50 минг нафар эҳтиёжманд хотин-қизларни санаторийларда соғломлаштириш бўйича белгиланган вазифалар хотин-қизларни халқимиз ва давлатимиз манфаати йўлида хизмат қилувчи янгидан янги ғоя ва таклифлар, истиқболли лойиҳалар ижодкорига айлантира олади.

Дарҳақиқат,  мамлакатимизда хотин-қизларнинг ҳуқуқ-манфаатларини, гендер тенгликни таъминлаш, оила, оналик ва болаликни ҳимоя қилиш, аёллар ўртасида тадбиркорликни ривожлантириш, улар учун янги иш ўринлари яратиш, меҳнат ва турмуш шароитларини яхшилаш давлат сиёсатининг устувор йўналишига айланган.
Хотин-қизлар ҳам зиммаларидаги масъулиятни тўлиқ ҳис этиб, қайси соҳада бўлмасин, самарали меҳнат қилиб, юрт равнақи, халқ фаровонлигига ўзларининг муносиб ҳисса қўшиб келмоқда. Бугунги кун аёли - она сифатида ўз вазифалари, оиладаги ишларига ҳам улгуриб, ҳам давлат ишларида, маҳалла, мактаб, боғча, давлат ташкилотларининг асосий меҳнат жабҳаларида хизмат қилаётганлиги ҳеч кимга сир эмасдир. Бир аёл депутат, аёл раҳбар сифатида мамлакатимизда хотин-қизларга қаратилаётган эътибор, бу борада олиб борилаётган ислоҳатларни гувоҳи бўлиб шундай диёрда яшаётганимдан фахр ҳиссини туяман.  Давлатимиз томонидан аёлларимизни, муҳтарама оналаримиз ва опа-сингилларимизнинг ўрни ва мавқеини кўтариш борасида жуда кўп ишлар қилинмоқда. Буни теран ҳис этган ҳолда ана шу эътиборга муносиб ҳолда иш олиб бориш барчамизнинг вазифамиздир.

Муҳиба Сайфиддинова,
Халқ депутатлари Самарқанд
 вилоят Кенгаши депутати.

@adolat201