» » Тойлоқда 139 тонна “кумуш тола” етиштирилади

Тойлоқда 139 тонна “кумуш тола” етиштирилади

    Давлатимиз томонидан пиллачиликни ривожлантиришга катта эътибор қаратилмоқда. Айниқса, ҳар бир пиллакорнинг пилла боққан мавсуми бир йиллик иш стажи сифатида эътироф этилиши соҳа фидойилари учун муносиб имконият бўлди. Умуман олганда, мазкур соҳанинг ривож топиши аҳоли бандлигини таъминлашда муҳим аҳамият касб этади
    Жорий йил ипак қурти боқиш мавсуми олдидан туманимиздаги 600 та фермер хўжаликларига 2530 қути ипак қурти уруғи тарқатилди. Фермер хўжаликлари билан “Тойлоқ ипаги” масъулияти чекланган жамияти ўртасида 139 тонна юқори сифатли пилла ҳосили етказиб бериш бўйича шартнома тузилиб, пиллакорлар учун зарур шароитлар яратиб берилди. Ҳар бир қути қурт уруғи парвариши учун пиллакорларга 250 минг сўмдан жами 632 миллион сўм бўнак тариқасида шартнома бўйича олдиндан тўловлар амалга оширилди.
   Айни кунларда пиллакорлар томонидан ипак қуртини парваришлаш жараёнлари қизғин тус олган. Шу йилнинг 7 июнь санасигача юқори сифатли саноат хом ашёси қабул қилиб олиш ишлари бошланади.
   Етиштирилган пилла ҳосилини ўз вақтида қабул қилиш, намлик даражаси меъёрдан ошиб кетмаслигини таъминлаш мақсадида пиллани қабул қилиш масканларида барча зарур шароитлар яратилиб, лаборатория таҳлиллари учун замонавий ускуналар ўрнатилган. Бу эса пиллакорлар меҳнатини ҳаққоний баҳолаш имконини бермоқда.
 
Тойлоқ туман ҳокимлиги ахборот хизмати.

Бошқа янгиликлар

комментариев