Ҳеч кимга сир эмаски,озод диёримиз сарµадларини кўз қорачиғидек асраш, унинг тинчлигини ҳимоя қилишда барчамизнинг фахримизга айланган миллий армиямизнинг  роли беқиёсдир. Шунинг учун юртимизда ҳар йили 14 январда жасур ҳарбийларимизнинг байрами кенг нишонланади. Бу йил ҳам Ўзбекистон Республикаси Қуролли кучлари ташкил этилганлигининг 28 йиллиги ҳамда Ватан ҳимоячилари куни  айёмини ҳар қачонгидан-да кўтаринкироқ кайфиятда нишонлашга тайёргарлик ишлар бошлаб юборилган. Таъкидлаш жоизки, Давлатимиз раµбарининг бевосита ташаббуси билан Қуролли кучларимизда амалга оширилаётган кенг кўламли ислоҳотлар туфайли Армиямизнинг жанговар қудрати тобора ортиб бормоқда. Биргина мисол: Global Firepower таҳлилий маркази томонидан тузилувчи дунёнинг энг кучли армиялари рейтингига кўра, Ўзбекистон 2019 йилда  Марказий Осиёдаги энг кучли армияга эга давлат бўлди ва минтақа бўйича қўшни давлатлар – Қозоғистон, Туркманистон, Қирғизистон ва Тожикистонни бу борада ортда қолдирди.  2019 йил якунига кўра Ўзбекистон  137 та давлат киритилган рейтингда 48-ўринни эгаллади ва МДҲнинг Озарбойжон (52-ўрин), Қозоғистон (54-ўрин), Туркманистон (75-ўрин), Грузия (85-ўрин), Қирғизистон (91-ўрин), Тожикистон (94-ўрин) ва Арманистон (96-ўрин) каби давлатларини ортда қолдирди. 
       Хулоса қилиб шуни айтиш мумкинки, халқимиз тинчлиги – ишончли қўлларда ва ҳар томонлама чиниққан,маънавий жиҳатдан етук, юртнинг бир қарич тупроғи  учун лозим бўлганда жонини ҳам фидо қилишга тайёр, оловқалб  ўғлонларимиз бор  экан, Ватанимиз янада гуллаб яшнайверади.