» » Азми қатъий тадбиркор

Азми қатъий тадбиркор

Ишбилармонлик халқимиз ҳаётида азалдан муҳим ўрин тутиб, унинг ўзига хос анъаналари асраб-авайланган, ишнинг кўзини биладиган, уддабурон кишилар қадрланган. Буни буюк Амир Темурнинг «Азми қатъий, тадбиркор, ҳушёр, мард ва шижоатли бир киши мингта тадбирсиз ва лоқайд кишидан афзалдир», деган фикри ҳам тасдиқлайди. 

Бугун ўз бизнесини йўлга қўйиб, ўзи, оиласи, маҳалла, эл-юрт фаровонлигига муносиб ҳисса қўшаётган тадбиркорлар, хусусий ва кичик корхоналар сафи тобора кенгайиб бормоқда. 

Сариосиёлик Мирсаид Вафоев ҳам юртимизда ишбилармонлик муҳитини шакллантиришга қаратилаётган эътибор, қолаверса, «Ҳар бир оила тадбиркор» лойиҳасидан кўзланган асосий мақсадни чуқур англаб етган ҳолда жорий йилнинг бошида «Миразиз ромлари 777» оилавий корхонасини ташкил этиб, акфа эшик ромлари ҳамда қаттиқ мебель ишлаб чиқариш билан шуғуллана бошлади. Ўзининг сифатли маҳсулотлари билан мижозлар ишончини қозонган корхонанинг буюртмалари кун сайин ортиб бормоқда. 

Агротадбиркорлик касб-ҳунар коллежида охирги босқичда таҳсил олаётган Миразиз Мирвоҳидов ҳам бўш вақтини дадасининг ёнида ўтказиб,  касб сирларини пухта ўрганишга ҳаракат қилаяпти. Олдига улкан мақсадларни қўйган ота-бола усталар келажакда корхона фаолиятини янада кенгайтириш режасини тузишмоқда.  

Н. РАҲМАТОВА.  

комментариев