Toyloq pedagogika kollejida O'zbekiston-Finlandiya pedagogika instituti Maktabgacha va boshlang'ich ta'lim fakulteti Maktabgacha ta'lim kafedrasi bilan hamkorlik aloqalarini o'rnatish,  o'zaro tajriba almashish maqsadida institutning maktabgacha ta'lim kafedrasi  dotsenti Hayitov Najmiddin kollej shart-sharoitlari bilan tanishdi.
Kollej direktori Sh.Asadov talabalarning bejirim qo'l mehnati bilan tanishtirar ekan o'z ishini sevuvchi bo'lajak pedagoglardan umidi katta ekanligini ta'kidladi.  N. Hayitov dars mashg'ulotlarida bevosita ishtirok etib talabalar uchun yaratilgan muhitda bo'lib o'zining ijobiy fikrlarini bildirdi.  Shuningdek,  kollejdagi "Ilk rivojlantirish markazi" da ham bo'lib, markaz koordinatori Z. Zohidova bilan suhbatlashib markazning imkoniyatlari to'g'risida fikr almashildi.